monumenta.ch > Seneca Maior > sectio

Word Selection for Searching

Report an Error in this Sectio
Seneca Maior, Controversiae, 1, 2, 0
SACERDOS CASTA E CASTIS, PURA E PURIS SIT. Quaedam virgo a piratis capta venit; empta a lenone et prostituta est. venientes ad se exorabat stipem. militem, qui ad se venerat, cum exorare non posset, colluctantem et vim inferentem occidit. accusata et absoluta remissa ad suos est; petit sacerdotium.